ბრიტანეთის პრემიერ მინისტრმა ტერეზა მეიმ განაცხადა, რომ პარასკევს, 27 იანვარს, ვაშინგტონში აშშ-ის 45-ე პრეზიდენტს, დონალდ ტრამპს შეხვდება. ინაუგურაციის შემდეგ ეს ტრამპის პირველი შეხვედრა იქნება.

BBC-სთან სატელევიზიო ინტერვიუში, მეიმ განაცხადა, რომ ლიდერები ორი ქვეყნის სავაჭრო ურთიერთობებს, NATO-სა და სირიის კონფლიქტის მნიშვნელობას განიხილავენ:

"ვფიქრობ მნიშვნელოვანია, რომ დავსხდებით და ვისაუბრებ, თუ როგორ ავაწყო განსაკუთრებული ურთიერთობა. მას უკვე ნათქვამი აქვს ჩემთვის, რომ სურს მყარი ურთიერთობის ხილვა აშშ-სა და გაერთიანებულ სამეფოს შორის."

მეიმ, ასევე, დაამატა, რომ "არ შეეშინდება" უთხრას ტრამპს, თუ ის ისეთ რაიმეს იტყვის, ან ჩაიდენს, რაც მეისთვის "მიუღებელი" იქნება.

შეერთებული შტატები ბრიტანეთის მეორე ყველაზე დიდი სავაჭრო პარტნიორია, გერმანიის შემდეგ.