სტრატეგია აღმაშენებლის ლიდერი, გიორგი ვაშაძე აცხადებს, რომ ოპოზიციასა და ხელისუფლებას შორის მოლაპარაკებებში პრობლემა მოდერატორებში კი არა ქართულ ოცნებაშია. ასე გამოეხმაურა ვაშაძე TV პირველთან ინტერვიუში ბოდბელ მთავარეპისკოპოს იაკობს, რომელმაც მხარეებს დიალოგისთვის ეკლესიის სივრცე შესთავაზა.

"ჩვენ სეკულარულ სახელმწიფოში ვცხოვრობთ. პოლიტიკა პოლიტიკის საქმეა, ეკლესიას ეკლესიის საქმე აქვს და სხვადასხვა საკითხებია. მეორე, რაც ყველაზე მნიშვნელოვანია, მოდერატორები გვყავს. პრობლემა მოდერატორებში არ არის, პრობლემა ქართულ ოცნებაშია, რომლესაც არ უნდა ადეკვატურად დაინახოს პრობლემა, რომელიც ქვეყანაში არის", — განაცხადა გიორგი ვაშაძემ.

31 ოქტომბერს გამართული საპარლამენტო არჩევნების შედეგებს ოპოზიცია არ აღიარებს. მათ უარი თქვეს მეორე ტურში მონაწილეობაზე და არ აპირებენ პარლამენტში შესვლას. პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს.

გაიგეთ მეტი:

უცხოელებთან მისვლა არ არის საკმარისი, შეუძლიათ ჩვენთანაც მოვიდნენ — მეუფე იაკობი მთავრობას და ოპოზიციას სივრცეს სთავაზობს