აუდიტორია 115-ის წევრები საზოგადოებრივი მაუწყებლის თანამშრომლებს სოლიდარობას უცხადებენ და მათ გვერდით ბრძოლად აპირებენ:

"ჩვენ სოლიდარობას ვუცხადებთ საზოგადოებრივი მაუწყებლის პირველად პროფკავშირს და მოვუწოდებთ ყველას მათი თანადგომისკენ. გვაქვს იმედი, რომ საზოგადოებრივი მაუწყებლის ბორდის ჩვენთვის კარგად ნაცნობი წევრები, დაჩაგრულთა მხარდასაჭერად ხმას ამოიღებენ", - ნათქვამია მათი ფეისბუკის გვერდზე გამოქვეყნებულ განცხადებაში.

საზოგადოებრივი მაუწყებლის თანამშრომელთა ნაწილმა, რომელთა შორის არიან მოამბის ჟურნალისტები, მემონტაჟეები და ტექნიკური პერსონალი, დღეს, 18 მაისს, მაუწყებლის წინ გამაფრთხილებელი აქცია გამართა. ისინი მაუწყებლისგან სამუშაო პირობების გაუმჯობესებასა და ხელფასების მომატებას ითხოვენ.