იუსტიციის ყოფილმა მინისტრმა და ქართული ოცნების სიის მეოთხე ნომერმა, თეა წულუკიანმა ჭორი უწოდა ინფორმაციას მისი მომავალი პრემიერობის შესახებ. ამის შესახებ მან იმედის ეთერში ისაუბრა.

"ეს არის ჭორი, წერტილი, როგორც იტყოდა პრემიერმინისტრი ამჟამინდენლი და მომავალი. ჩვენ ვთქვით, რომ ჩვენი პრემიერი იყო გახარია, როცა ვასახელებდით პრემიერს და არა კანდიდატს. რა თქმა უნდა, როგორც აქამდე ვიყავი ქართული ოცნებისა და მისი გუნდის რიგითი წევრი და მებრძოლი იმ ღირებულებების, რომლითაც მოვედით ხელისუფლებაში, მე ვრჩები ამის ერთგულად", — განაცხადა წულუკიანმა.

საინფორმაციო სააგენტოს, ინტერპრესნიუსი ინფორმაციით, იუსტიციის ყოფილი მინისტრი და ქართული ოცნების პარტიული სიის მე-4 ნომერი, თეა წულუკიანი შესაძლოა პრემიერმინისტრის პოსტზე წარადგინონ.