ხაშურის მუნიციპალიტეტის მერმა, გიორგი გურასპაშვილმა თანამდებობა დატოვა. გურასპაშვილის განცხადების თანახმად, ამ ნაბიჯისთვის სუბიექტური გარემოებები ჰქონდა. განცხადებაში ვკითხულობთ:

"მიმაჩნია, რომ ცხოვრების ამ ეტაპზე, ეს ყველაზე სწორი და დროული ნაბიჯია. აქვე, ვისარგებლებ შემთვევით და პირველ რიგში, დიდი მადლობა მინდა გადავუხადო ამომრჩეველს — ჩემს ხაშურელებს გამოჩენილი ნდობისთვის, ასევე, ჩემს თანამშრომლებს, ვისთან ერთადაც ჩვენი ქალაქისთვის არაერთი მნიშვნელოვანი პროექტი განვახორციელე. დარწმუნებული ვარ, ისინი ახლა უკვე ჩემს გარეშე განაგრძობენ ჩვენი ქალაქის განვითარებაზე ზრუნვას".

გარდა ამისა, გურასპაშვილის განცხადებაში წერია, რომ პოლიტიკური სპეკულაციების თავიდან ასარიდებლად ხაზგასმით აცხადებს, რომ ქართული ოცნების პოლიტიკური გუნდის წევრად რჩება. ამასთან, იმედოვნებს, რომ ქართული ოცნება მეორე ტურში გაიმარჯვებს და მომავალი 4 წლის განმავლობაშიც მმართველ ძალად დარჩება.