დაავადებათა კონტროლის ცენტრის ხელმძღვანელის, ამირან გამყრელიძის განცხადებით, მოქალაქეებმა აქციებზე კორონავირუსთან დაკავშირებული არსებული წესები უნდა დაიცვან.

"აქციებზეც, რომელიც პოლიტიკური პროცესის ნაწილია, ყველამ უნდა გავითვალისწინოთ, რომ უნდა დავიცვათ ის წესი. ვირუსმა არ იცის აქცია და სხვა ტიპის შეკრება. ვირუსისთვის ერთი და იგივეა ყველა. ჩვენ ყველამ უნდა ვიზრუნოთ ერთმანეთის ჯანმრთელობაზე", — განაცხადა ნიკა მელიამ საკოორდინაციო საბჭოს სხდომის შემდეგ.

პირბადის ტარება ღია სივრცეებშიც სავალდებულო იქნება. ამის შესახებ საკოორდინაციო საბჭოს სხდომის შემდეგ ვიცე-პრემიერმა და ინფრასტრუქტურის მინისტრმა, მაია ცქიიტიშვილმა განაცხადა.

მისი განმარტებით, გარე სივრცეებში პირბადის ტარება გაკონტროლდება ისევე, როგორც შიდა სივრცეებში და ჯარიმა 20 ლარი იქნება.