მიუხედავად იმისა, რომ აშშ–ს არჩეული პრეზიდენტი, დონალდ ტრამპი მუდმივად ხაზს უსვამს რუსეთთან ურთიერთობების გაღრმავების მნიშვნელობას, მიერ მიერ თავდაცვის მდივნის კანდიდატად დასახელებული ჯეიმს მატისი, რუსეთს ამერიკისა და ნატოს ერთ–ერთ უმთავრეს საფრთხედ ასახელებს.

BBC-ის ცნობით, ჯეიმს მატისის გარდა, რუსეთის მიმართ მკაცრი განცხადება CIA-ის შეფობის კანდიდატმა, მაიკ პომპეომაც გააკეთა. პომპეოს თქმით, რუსეთმა საფრთხე შეუქმნა ევროპას და საკუთარი პოზიციები უკრაინაში "აგრესიულად განამტკიცა".

გენერალი ჯეიმს მატისი, რომელიც ტრამპმა თავდაცვის მდივნის პოსტზე წარადგინა, აცხადებს, რომ მეორე მსოფლიო ომის შემდეგ, ნატო პირველად გახდა მსგავსი მასშტაბური შეტევის სამიზნე, რადგან პუტინი ცდილობს, დაყოს სამხედრო ალიანსის წევრი სახელმწიფოები.

შეიარაღებული ძალების კომიტეტის სხდომაზე მოხსენებისას, მატისმა აღნიშნა, რომ მნიშვნელოვანია, აშშ–მ თვალი გაუსწოროს შექმნილ რეალობას და გაუმკლავდეს ვლადიმერ პუტინს. თავდაცვის მომავალმა მდივანმა ნატოს წინაშე არსებულ საფრთხეებს შორის, რუსეთის ქმედებების გარდა, ასევე დაასახელა ტერორიზმი და ჩინეთის ქმედებები სამხრეთ ჩინეთის ზღვაში.

მატისმა ასევე თქვა, რომ მას აქვს დიდი ნდობა სპეცსამსახურების მიმართ. ცოტა ხნის წინ სწორედ სპეცსამსახურებმა გაავრცელეს ინფორმაცია აშშ–ს საპრეზიდენტო არჩევნებში რუსეთის დაზვერვის ჩარევის შესახებ. დონალდ ტრამპმა ამერიკული სპეცსამსახურები ამის გამო არაერთხელ გააკრიტიკა.

CIA-ის ხელმძღვანელის პოსტზე წარდგენილმა მაიკ პომპეომ, მატისის მსგავსად, არ დაიშურა რუსეთის მიმართ კრიტიკული გამონათქვამები. მანდ აშშ–ს არჩევნებში რუსეთის ქმედებებს "აგრესიულიც" კი უწოდა. საკომიტეტო მოსმენისას პომპეომ რუსეთის გააკრიტიკა უკრაინაში შეჭრისა და ყირიმის ოკუპაციის გამო, ასევე, თქვა, რომ ამ ქვეყანამ ფაქტობრივად არაფერი გააკეთა ისლამური სახელმწიფოს წინააღმდეგ საბრძოლველად.

ამერიკის საკანონმდებლო ორგანოში მიმდინარეობს ტრამპის კაბინეტის მომავალი წევრების მოსმენა.