"ორიგინალური არ ვიქნები თუ ვიტყვი, რომ საკუთარ თავს მივეცი ხმა", — განაცხადა ევროპული საქართველოს ლიდერმა, გიგი უგულავამ საარჩევნო უბნიდან გამოსვლის შემდეგ.

"ხმა მივეცი საქართველოს განვითარების გზას, მე ხმა მივეცი იმას, რომ აქ ხალხს არ ჰქონდეს უმუშევრობის, მიტოვებულობის განცდა, ზუგდიდი ამ ცვლილებებში გარდამტეხ სიტყვას იტყვის", — განაცხადა უგულავამ.

მისი თქით, ზუგდიდის ერთ-ერთ სოფელში, "მოძველტიპო" ბიჭები არიან მობილიზებულები.

"კონცენტრირებულები იყვნენ მოძველბიჭო ტიპები, ჩვენმა დამკვირვებლებმა კუდით ქვა ასროლინეს, ასევე მოუვა ყველა მოძალადეს, რომელიც ფეხს გამოყოფს და იძალადებს. მუდმივი ამ ქვეყანაში არაფერია, ყველა ვინც თავს გამოიჩენს იქნება დამახსოვრებული და აღრიცხული, მერე ნურავის ეწყინება, რომ კანონის მთელი სიმკაცრით მოეთხოვოს. მთავარია ამ ქვეყანაში მთავრობა იცვლებოდეს არჩევნების გზით", — განაცხადა უგულავამ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: