პრეზიდენტი გიორგი მარგველაშვილი აცხადებს, რომ რუსეთის საოკუპაციო ძალების მიერ, აფხაზეთში, 19-ე საუკუნის ეკლესიისა და პოლონელთა სასაფლაოს დანგრევა შეგნებულად განხორციელებული ვანდალიზმის აქტია.

პრეზიდენტი მიმართვს საერთაშორისო თანამეგობრობას, იუნესკოსა და სხვა საერთაშორისო ორგანიზაციებს, სათანადოდ შეფასონ რუსეთის მიერ საქართველოს ტერიტორიაზე განხორციელებული ქმედებები და მოახდინონ მათზე შესაბამისი რეაგირება:

"გამოვხატავთ უკიდურეს აღშფოთებას რუსეთის ფედერაციის საოკუპაციო ძალების მიერ აფხაზეთში, სოფელ წებელდაში ისტორიული მემკვიდრეობის ძეგლების განადგურებასთან დაკავშირებით. ეს არის შეგნებულად განხორციელებული ვანდალიზმის აქტი, რაც უხეშად არღვევს საერთაშორისო სამართლის ნორმების, მათ შორის ჰააგის 1954 წლის კონვენციის პირობებს".

სამხედრო პოლიგონის მოწყობის მიზნით რუსეთის ფედერაციის შეიარაღებულმა ძალებმა დაანგრიეს 19-ე საუკუნის ეკლესია და პოლონელთა ისტორიული სასაფლაო.