10 და 11 იანვარს წალკის, ქედისა და ხულოს მუნიციპალიტეტებში ჯამში 4 ათასამდე აბონენტს ელექტროენერგიის მიწოდება შეეზღუდება. ენერგო-პრო ჯორჯია შეზღუდვას ქსელის სარეაბილიტაციო სამუშაოებით ხსნის.

წალკის რაიონის სოფლებში იმერა, სამადლო, ბეგთაშენი და მიმდებარე სოფლებში 13:00-დან 15:00 საათამდე ელექტროენერგიის მიწოდება შეეზღუდება 1 486 აბონენტს; დაბა ქედის ნაწილში ელექტროენერგიის მიწოდება 12:00-დან 15:00 საათამდე 215 აბონენტს შეუწყდება;

11 იანვარს კი 11:00-დან 17:00 საათამდე 2 460 აბონენტს დაბა ხულოს ნაწილსა და სოფელ ღორჯომში არ ექნებათ ელექტროენერგია.