დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორის, თენგიზ ცერცვაძის თქმით, უსიმპტომო პაციენტებისთვის თრომბოემბოლიური კვლევის ჩატარება იგეგმება. ცერცვაძის განცხადებით, ეს იმის გარანტი იქნება, რომ მათ შემდგომი გართულება არ განუვითარდებათ. მისივე თქმით, თრომბოემბოლიური გართულებები კოვიდისთვის ძალიან დამახასიათებელია, მათ შორის უსიმპტომო პაციენტებისთვის.

"დღეს იყო მსჯელობა პრემიერთან იმაზე, რომ სახლში დატოვებულ პაციენტებს, ვინც სულ მცირე რისკფაქტორია, ჩაუტარდებათ სისხლის საერთო ანალიზი და თრომბოემბოლური კვლევები", — განაცხადა ცერცვაძემ პრემიერმინისტრთან რეანიმატოლოგთა და კლინიკური ჯგუფის წევრების შეხვედრის შემდეგ გამართულ ბრიფინგზე.

რამდენიმე დღის წინ ბათუმის კოვიდსასტუმროში 41 წლის ქალი გარდაიცვალა. პაციენტის გარდაცვალების მიზეზად თრომბოემბოლიური გართულება დასახელდა.

ცერცაძემ ბრიფინგზე, ასევე, აღნიშნა, რომ კოვიდის სცეპიციფიური მკურნალობა ბინაზე არ ტარდება. მან განმარტა, რომ, თუკი ვინმეს მკურნალობა სჭირდება, ასეთი პაციენტები ჰოსპიტალში მიჰყავთ.

"ვისაც ბინაზე ტოვებენ, ნიშნავს, რომ უსიმპტომოა და არ სჭირდება მკურნალობა", — ამბობს ინფექციური საავადმყოფოს დირექტორი.

19 ოქტომბრის მონაცემებით, საქართველოში კორონავირუსის 1 186 ახალი შემთხვევა გამოვლინდა, 278 პაციენტი გამოჯანმრთელდა, გარდაიცვალა — 7.

სულ ქვეყანაში 18 663 შემთხვევაა დაფიქსირებული. მათგან 8 338 პაციენტი გამოჯანმრთელდა, 143 — გარდაიცვალა. კარანტინის რეჟიმში 6 407 ადამიანია, სტაციონარში მეთვალყურეობის ქვეშ — 836; კოვიდ სასტუმროში — 1 420 პირია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: