ევროპული საქართველოს წევრის და ვაკეში მაჟორიტარობის კანდიდატის, ელენე ხოშტარიას განცხადებით, საკუთარი პარტიის კამპანიის ფორმას, "მუშტი ბიძინას, იდაყვი მიშას" არ ეთანხმება.

"გასაგებია, რომ პროპორციული არჩევნები ითხოვს განსხვავებების ჩვენებას, კონკურენციაა პარტიებში, თუმცა მე გულწრფელად მინდა ვთქვა, რომ კამპანიის ამ ფორმას ჩემი პარტიის არ ვიზიარებ", — განაცხადა ხოშტარიამ.

ევროპული საქართველოს ერთ-ერთი ლიდერმა, გიგი უგულავამ, დღეს Facebook-ზე გავრცელებულ ვიდეოში მიხეილ სააკაშვილი გააკრიტიკა. უგულავა ამბობდა, რომ კოალიციურ მთავრობაში მიხეილ სააკაშვილი არ უნდა იყოს.

"გარდამტეხი ცვლილებები გვჭირდება, რაც ამ მოჯადოებული წრის გარღვევას გულისხმობს. მთავარი ამოცანაა ოცნება 40%-ს ქვევით დარჩეს, ყველა ოპოზიცია ჯამურად იყოს ნაცმოძრაობაზე მეტი და კოალიციური მთავრობა სააკაშვილის გარეშე. დარწმუნებული ვარ და ვიცი, რომ როცა საქმე საქმეზე მიდგება, ენმ-შიც უმრავლესობა ამ აზრზე აღმოჩნდება", — აცხადებდა უგულავა.