დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, კორონავირუსის ახალი 471 შემთხვევიდან უმრავლესობა, 360 აჭარიდანაა. რაც შეეხება თბილისს, ენდელაძის თქმით, აქ 57 ახალი შემთხვევა დადასტურდა. სხვა რეგიონებში დღევანდელი სტატისტიკა ასეთია:

  • სამეგრელო-ზემო სვანეთი — 22;
  • იმერეთი — 11;
  • ქვემო ქართლი — 6;
  • კახეთი — 6;
  • გურია — 5;
  • მცხეთა-მთიანეთი — 3;
  • სამცხე ჯავახეთი — 1.

გარდა ამისა, ენდელაძის ინფორმაციით, ამ ეტაპზე 35 კრიტიკულად მძიმე პაციენტია, მათ შორის 33 მართვით სუნთქვაზეა. ამასთან, ამ 35 ადამიანს შორის 8 ოკუპირებული აფხაზეთიდანაა გადმოყვანილი.

დღეს საქართველოში კორონავირუსის 471 ახალი შემთხვევა გამოვლინდა, 278 ადამიანი გამოჯანმრთელდა, კიდევ ორი ადამიანი კი გარდაიცვალა.

სულ ქვეყანაში კორონავირუსის 7 564 შემთხვევაა დადასტურებული. აქედან 3 992 ადამიანი უკვე გამოჯანმრთელდა, 48 კი გარდაიცვალა.

ამ დროისთვის კარანტინის რეჟიმში 5392 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1100 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: