საპარლამენტო უმცირესობის, პარტია ნაციონალური მოძრაობის, ლიდერი დავით ბაქრაძე გადაცემა არჩევანში საუბრისას აცხადებს, რომ მას პიროვნულად ძალიან უჭირს იმ პარლამენტში მუშაობა, სადაც მის გუნდთან ერთად ქართული ოცნებისა და პატრიოტთა ალიანსის 120 მტრულად განწყობილი დეპუტატია.

"ადამიანურად კმაყოფილი ვერ ვიქნები იმ პარლამენტში, სადაც საკონსტიტუციო უმრავლესობა ქართულ ოცნებას აქვს. ჩვენს უკანა რიგებში წარმოდგენილია პატრიოტთა ალიანსი, ძალიან რთულია ასეთ პარლამენტში მუშაობა.

რთულია ტრიბუნასთან გამოსვლა, როდესაც 120 მტრულად განწყობილი და არაკეთილმოსურნე თვალი გიყურებს და წამოძახილებით გაწყვეტინებენ. ძალიან რთულია ბრძოლა ასეთ პირობებში, როცა 120 ადამიანთან 27 ადამიანს გიწევს დაპირისპირება. ვფიქრობ ეს ადამიანები დაფასების ღირსები არიან".