ქართული ოცნების საპარლამენტო სიის მეორე ნომერი და პარლამენტის თავმჯდომარეობის კანდიდატი არჩილ თალაკვაძე იქნება. ამის შესახებ ირაკლი კობახიძემ პარტიული სიის წარდგენისას განაცხადა.

"ის წარმატებით განაგრძობს პარლამენტის თავმჯდომარის უფლებამოსილების განხორციელებას მომდევნო, მე-10 მოწვევის პარლამენტში", — განაცხადა კობახიძემ.

თალაკვაძე ქართული ოცნების გუნდის წევრი 2012 წელს გახდა. სხვადასხვა დროს ის იყო სასჯელაღსრულებისა და პრობაციის მინისტრის მოადგილე, შინაგან საქმეთა მინისტრის მოადგილე და საპარლამენტო უმრავლესობის ლიდერი. პარლამენტის თავმჯდომარე ის მას შემდეგ გახდა, რაც ირაკლი კობახიძემ თანამდებობა დატოვა 20 ივნისის მოვლენების გამო.