მმართველი გუნდის მაჟორიტარმა დეპუტატმა, კახა ოქრიაშვილმა, რომელიც ოპოზიციურ გაერთიანება ძალა ერთობაშიას შეუერთდა, თქვა, რომ პრემიერმინისტრის პოსტზე მიხეილ სააკაშვილის კანდიდატურას მხარს უჭერს. ამის შესახებ ოქრიაშვილამ TV პირველის ეთერში იასუბრა.

"გიდასტურებთ, რომ მეც მხარს ვუჭერ სააკაშვილის პრემიერობას. რატომ მიხეილ სააკაშვილი? — ყველაზე მსხვილი პარტია, რომელიც საარჩევნო ბლოკში შედის, არის ნაციონალური მოძრაობა და სააკაშვილი არის ნაციონალური მოძრაობის უცვლელი ლიდერი", — აღნიშნა ოქრიაშვილმა.

ჟურნალისტის შეხსენებაზე, რომ იგი ივანიშვილის პრემიერობასაც უჭერდა მხარს, ოქრიაშვილმა ასე უპასუხა — "კი, ვუჭერდი. თუ შენ ხარ პარტიის ლიდერი, შენ უნდა იყო პრემიერი, ოფის მენეჯერი არ უნდა დააყენო".

4 სექტემბერს ცნობილი გახდა, რომ საპარლამენტო არჩევნებზე ნაციონალური მოძრაობა და პროგრესი და თავისუფლება ერთ ბლოკად გავლენ. პროგრესი და თავისუფლება კახა ოქრიაშვილისა და ცეზარ ჩოჩელის დაარსებული პარტიაა და ის ოპოზიციის გაერთიანება ძალა ერთობაშიას შუერთდა.

პარტია პროგრესი და თავისუფლების ლიდერი, კახა ოქრიაშვილი დმანისი, წალკა, ბოლნისი, თეთრიწყაროს ოლქში მაჟორიტარი დაპუტატობის კანდიდატია. ის კენჭს გაერთიანებული ოპოზიციიდან ძალა ერთობაშიას ბლოკის სახელით იყრის.