ბათუმში გაფართოებული ტესტირება იწყება. ამის შესახებ დაავადებათა კონტროლის ცენტრში დირექტორმა, ამირან გამყრელიძემ ისაუბრა. მისი თქმით, ბათუმში დაემატა კიდევ ერთი კარავი და მობილიზდა ხუთი კლინიკა, სადაც PCR ტესტის ჩატარება იქნება შესაძლებელი.

"საპანიკო და საგანგაშო არაფერია, მაგრამ საყურადღებოა. არავითარ ჩაკეტვაზე საუბარი არ არის. ბათუმში იქნება გაფართოებული ტესტირება. ყოველდღიურად 1 500-1 800 ტესტის გაკეთებაა შესაძლებელი", — განაცხადა ამირან გამყრელიძემ.

მანვე მოუწოდა ხალხს, რომელიც ბოლო ორი კვირის განმავლობაში საკონდიტრო დონაში იმყოფებოდნენ, გაიარონ ტესტირება და აწარმოონ თვითმონიტორინგი.

ბოლო 2 კვირის განმავლობაში ვინც იყო დონაში, შეუძლიათ მივიდნენ და ტესტი ჩაიტარონ. საჭიროა, თითოეულმა მათგანმა აწარმოოს თვითმონიტორინგი.