ევროკავშირის ელჩი საქართველოში, კარლ ჰარცელი ამბობს, რომ მისთვის უფრო დიდ ინტერესს წარმოადგენს, როგორ ჩატარდება 2020 წლის საპარლამენტო არჩევნები და არა ის, თუ ვინ გაიმარჯვებს.

"ეჭვგარეშეა, რომ ეს არჩევნები უმნიშვნელოვანესია. მიხარია 8 მარტის შეთანხმების მიღება, რომელშიც მონაწილეობა მივიღე და კარგი საფუძველი შეიქმნა, რომ შემდეგი ნაბიჯები გადამდგარიყო. მომდევნო კვირებში ყურადღებით დავაკვირდებით საარჩევნო პროცესს. როგორც ევროკავშირის ელჩს, უფრო მეტი ინტერესი მაქვს, თუ როგორ ჩატარდება არჩევნები, და არა — ვინ გაიმარჯვებს", — აღნიშნა ელჩმა ჟურნალისტებთან [რუსთავი 2-ის თარგმანი].

ამასთან, ჰარცელმა თქვა, რომ რუსეთის ინტერესი აღნიშნული არჩევნების მიმართ მაღალია.