რვა ერის ტურნირში იაპონიას საქართველოს რაგბის ნაკრები ჩაანაცვლებს. BBC-ის ინფორმაციით, იაპონია პანდემიისას ფრენებზე დაწესებული შეზღუდვების გამო, ტურნირში მონაწილეობაზე უარს ამბობს.

როგორც The Guardian აღნიშნავს, იაპონიის ნაკრების მთავარი მწვრთნელი, ჯეიმი ჯოზეფი იმ პირთა შორისაა, რომელთაც შეზღუდვების გამო ქვეყანაში შესვლა არ შეუძლია.

საქართველო ჯგუფში შოტლანდიასთან, იტალიასთან და საფრანგეთთან ერთად იქნება. მეორე ჯგუფში კი შესაბამისად ინგლისი, უელსი, ირლანდია და ფიჯი მოხვდნენ.

ტურნირი 14 ნოემბრიდან 5 დეკემბრის ჩათვლით გაიმართება.

თავდაპირველად შოტლანდიას საქართველოსთან გამახურებელი თამაში 24 ოქტომბერს უნდა ჩაეტარებინა, თუმცა ახლა მას სხვა მეტოქის მოძებნა მოუწევს, ხოლო საქართველოს უკვე ტურნირის ფარგლებში შეხვდება.