რუსეთის გენერალური პროკურატურა ოპოზიციონერი ალექსეინ ნავალანის მოწამვლაზე სისხლის სამართლის საქმის აღძვრის საფუძველს "ვერ ხედავს". როგორც უწყების განცხადებაშია ნათქვამი, ამ ეტაპისთვის არაა დადასტურებული რაიმე მონაცემები, რომელიც "ნავალნის მიმართ განზრახ დანაშაულს ადასტურებდეს".

გარდა ამისა, გენპროკურატურა გერმანიას მიმართავს, ნავალნის მკურნალობისა და გამოკვლევის შესახებ ინფორმაცია მიაწოდოს. რუსეთი პროკურატურა ამტკიცებს, რომ მზად არიან მსგავსი ინფორმაცია თვითონაც წარადგინონ.

ამავე დროს, შინაგან საქმეთა სამინისტრომ ალექსეი ნავალნის ჰოსპიტალიზაციაზე დაიწყო გამოძიება. როგორც სამინისტროს განცხადებაშია ნათქვამი, პოლიციამ ტომსკში სასტუმრო და ოპოზიციონერის გადაადგულების მარშრუტი დაათვალიერა.

ალექსეი ნავალნის მოწამვლის საქმის გამოძიება მოითხოვეს გერმანიის კანცლერმა, ანგელა მერკელმა და ევროკავშირის უმაღლესმა წარმომადგენელმა, ჟოზეფ ბორელმა. აღნიშნულ განცხადებას აშშ-ს სახელმწიფო მდივანი, მაიკ პომპეოც შეუერთდა. გამოძიების მხარდაჭერის მზაობა გამოთქვა დიდი ბრიტანეთის პრემიერმინისტრმა, ბორის ჯონსონმა.

რუსეთის დუმის კომიტეტმა გამოძიება დაიწყო, თუმცა მათ გადაწყვიტეს, რომ ოპოზიციონერის მოწამვლაში საგარეო ჩარევა ეპოვათ. თვითონ რუსეთს პრეზიდენტი ვლადიმერ პუტინი კი ამტკიცებს, რომ ობიექტური გამოძიების მომხრეა.

კორუფციასთან ბრძოლის ფონდის ხელმძღვანელი, ალექსეი ნავალნი ომსკის საავადმყოფოში, 20 აგვისტოს მოათავსეს. ის ამ დრომდე უგონო მდგომარეობაში იმყოფება. ნავალნი საავადმყოფოში მას შემდეგ მოხვდა, რაც ტომსკი-მოსკოვის რეისზე თავი შეუძლოდ იგრძნო. ავიალაინერში მასთან ერთად მყოფი პრესმდივნის თქმით, ის, მოწამლეს. იარმიში ასევე ამბობს, რომ დილით ნავალნიმ მხოლოდ ჩაი დალია.

თავდაპირველად ნავალნი ომსკის კლინიკაში მოათავსეს, სადაც თქვეს, რომ მის ორგანიზმში რაიმე საეჭვო ნივთიერება ვერ იპოვეს.

22 აგვისტოს ნავალნი სპეცთვითმფრინავით რუსეთიდან გერმანიაში გადაიყვანეს. ექიმებმა დაადასტურეს, რომ საქმე "შესაძლო" მოწამვლასთან იყო. დღემდე კლინიკის მახლობლად პოლიციის რამდენიმე ავტობუსი და 10-მდე სამართალდამცავი მორიგეობს, რომლებიც პერიმეტრზე 2-5 კაციანი ჯგუფით გადაადგილდებიან.