"ვაშაძე როგორაა ამხელა პარტიის კონკურენტი?!" — ასე განმარტა ხატია დეკანოიძემ, რომ მისი კონკურენტი არა ოპოზიციის წარმომადგენელი, არამედ ქართული ოცნებაა, რომლის კანდიდატიც, "პოლიტიკური ლიდერიც არ არის".

ისნის რაიონში ერთიანი ნაციონალური მოძრაობის მაჟორიტარობის კანდიდატმა, ხატია დეკანოიძემ განმარტა, თუ ვაშაძე გაერთიანებულ ოპოზიციაში დარჩებოდა, ის იქნებოდა ოპოზიციის შეთანხმებული კანდიდატი, ხოლო ახლა, პოლიტიკური რეალობა შეიცვალა და ნაციონალური მოძრაობას მიერ საკუთარი კანდიდატის დაყენება, სწორი გადაწყვეტილებაა.

"გიორგი ვაშაძე გაერთიანებულ ოპოზიციაში ჩვენი პოლიტიკური პარტნიორი იყო და იგი გავიდა არჩევნების წინ. ამიტომ მივიღეთ გადაწყვეტილება, რომელიც მთავარ მიზანთან, გამარჯვების მიზანთან ყველაზე ახლოს არის", — აღნიშნა დეკანოიძემ.

მისივე თქმით, გიორგი ვაშაძის მიერ ერთიანი ოპოზიციის დატოვება არასწორი გადაწყვეტილება იყო, ასევე, არასწორ ნაბიჯად შეაფასა ვაშაძის მიერ პრემიერობის გამოცხადება.

გაიგეთ მეტი: