დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე აცხადებს, რომ ბოლო დღეების მანძილზე თბილისში ცხელების ცენტრს მესტიაში მყოფმა 1000-მა ადამიანმა მიაკითხა.

"ბოლო დღეებში თბილისში 1000-მდე ადამიანმა მიაკითხა ცხელების ცენტრს, ვინც ნამყოფი იყო მესტიაში ბოლო 2 კვირის მანძილზე. აქედან 9 ახლა გამოვლინდა გუშინ, მანამდე იყო კიდევ შემთხვევა, ვინც მესტიაში იყო. ასე, რომ სულ 14-მდე ადამიანია თბილისში, ვისი ინფიცირებაც უკავშირდება მესტიის მუნიციპალიტეტში ყოფნას", — აცხადებს იმნაძე.

15 აგვისტოს მონაცემებით, საქართველოში კორონავირუსის 15 ახალი შემთხვევა გამოვლინდა, 3 ადამიანი კი გამოჯანმრთელდა.

ინფექციური საავადმყოფოს სამედიცინო დირექტორის, მარინა ეზუგბაიას თქმით, 9 დადასტურებული შემთხვევის წყარო არის მოგზაურობა სვანეთში, 4 შემთხვევა დადასტურებულ შემთხვევებთან კონტაქტი, 1 — სატვირთოს ავტომობილის მძღოლი, ხოლო 1 შემთხვევის წყარო უცნობია.

ჯამში, დადასტურებულ შემთხვევათა რაოდენობა 1 321-მდე გაიზარდა, მათ შორის, გამოჯანმრთელებულია 1 088 ადამიანი, გარდაცვლილი — 17. კარანტინის რეჟიმში 7 635 პირი რჩება, სტაციონარში მეთვალყურეობის ქვეშ კი 334 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: