ქართული ოცნების აღმასრულებელი მდივანის და საარჩევნო შტაბის ხელმძღვანელის, ირაკლი კობახიძის თქმით, არჩილ თალაკვაძე პალრამენტის თავმჯდომარედ მუშაობას გააგრძელებს

"მე ვფიქრობ, რომ პარლამენტის თავმჯდომარე დღეს არის არჩილ თალაკვაძე და ის გააგრძელებს ამ პოზიციაზე მუშაობას", — განაცხადა კობახიძემ.

მისივე თქმითმ, ჯერ პარტიაში საარჩევნო სიის პირველ ნომერზე საუბარი არ ყოფილა.

"პირველი ნომრის საკითხი ჯერ არ ყოფილა განხილული. რაც შეეხება ბიძინა ივანიშვილის პირველ ნომრობას, ეს არის მისი გადასაწყვეტი. ის არის პირველი ნომერი პარტიაში, არის პარტიის თავმჯდომარე. შესაბამისად, თუ ის გადაწყვეტს ასეთ რამეს, ბუნებრივია, ის იქნება სიის პირველი ნომერი. ეს მისი გადასაწყვეტია", — განაცხადა კობახიძემ.

2020 წლის საპარლამენტო არჩევნები ოქტომბერშია დაგეგმილი. წელს არჩევნები ახალი 120/30-ზე სისტემით უნდა ჩატარდეს. გუშინ ქართულმა ოცნებამ საარჩევნო შტაბის ხელმძღვანელად ირაკლი კობახიძე დაასახელა.