იუსტიციის მინისტრი, თეა წულუკიანი ამბობს, რომ გიორგი რურუას პოლიტიკურ ლიდერად მოიხსენიებენ, როგორც საერთაშორისო პარტნიორები, ისე ოპოზიციური პარტიები. ამასთან, წულუკიანმა "ნახევრად სერიოზულად" თქვა, რომ შეუძლია რურუას "ჟორიკას" ნაცვლად სხვა სახელი დაუძახეს.

"აქ იყო ჩემდამი შენიშვნა, რატომ მოვიხსენიებ ჟორიკა რურუას ოპოზიციის ლიდერად და რატომ ვუწოდებ სახელ ჟორიკას. ეს მისაყვედურა ქალბატონმა სალომე სამადაშვილმა. ერთადერთი ნახევრად სერიოზულად ის შემიძლია ვთქვა, რომ შემიძლია უბრალოდ ამ ბატონს არ დავუძახო ჟორიკა, როგორც მას მთელი დედაქალაქი უწოდებს, არამედ დავუძახო ჟორიკ, ან რაიმე სხვა ზედმეტსახელი. მაგრამ სატირალი ის არის, რომ ოპოზიციის პოლიტიკური ლიდერი არის სწორედ ჟორიკა რურუა", — ამბობს თეა წულუკიანი.

მისივე თქმით, ოპოზიცია რურუას გათავისუფლების სანაცვლოდ სასწორზე დებს იმ საკანონმდებლო ცვლილებებს, რომლებსაც თავად ითხოვდა.