ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, ბოლო 24 საათში გამოვლენილი ინფიცირებულებიდან, 2 სამედიცინო პერსონალია, 5 საკარანტინე სივრციდან, ერთი არის სატვირთო მანქანის მძღოლი, რომელსაც კონტაქტი ჰქონდა დადასტურებულ შემთხვევასთან და 5 არის დაუდგენელი წყაროდან:

"ეს ნიშნავს იმას, რომ ხუთივე პიროვნება არის განსხვავებული სივრციდან და მათი წყარო სხვადასხვაა. თუ მივიდნენ კვლევით იქამდე, რომ რამდენიმეს წყარო საერთოა, კარგია, მაგრამ შეიძლება. არ იყოს ასე".

მისივე თქმით, თუ დღევანდელ 5 ადამიანს დავამატებთ წინა დღეებში გამოვლენილ 5 ინფიცირებულს, ჯამურად 10 არის ისეთი, რომლის წყარო დადგენილი არ არის, თუმცა ეზუგბაია აღნიშნავს, რომ დაზუსტებული ინფორმაცია არ აქვს, დაადგინეს თუ არა წინა დღეებში ინფიცირებულების წყარო.