თბილისის ინფექციური საავამყოფოს სამეციდინო დირექტორი, მარინა ეზუგბაია მოსახლეობას მოუწოდებს, რომ ის უნარ-ჩვევები, რაც ბოლო თვეებში კორონავირუსის პრევენციისთვის მიიღეს, არ დაივიწყონ და შეინარჩუნონ.

მისი თქმით, გარეთ გასვლა თითოეული ადამიანისთვის სავალდებულო და აუცილებელი მიზეზი უნდა გახდეს.

"აუცილებელია, შევინარჩუნოთ ის უნარ-ჩვევები, რაც ჩვენ ამ 3-4 თვის განმავლობაში მივიღეთ, ეს არის დისტანცირება, პირბადეების გამოყენება, თავშეყრის ადგილებთან თავის არიდება და სახლიდან გამოსვლის აუცილებელი მიზეზი. არ უნდა ვიყოთ მუდმივად გარეთ და კონცენტრირებული თავშეყრის ადგილებში. სავალდებულო და აუცილებელი მიზეზი უნდა გახდეს თითოეული ადამიანის გარეთ გასვლის მიზეზი. გავაგრძელოთ კოვიდთან ერთად ცხოვრება იმ უნარ-ჩვევებით, რომლებიც შევიძინეთ. ნუ დავივიწყებთ", — განაცხადა ეზუგბაიამ.

ამჟამინდელი მდგომარეობით, საქართველოში კორონავირუსის 783 დადასტურებული შემთხვევაა, მათ შორის გამოჯანმრთელებულია 605 ადამიანი, გარდაცვლილი კი 12.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: