კვლევებისა და კონსულტაციის გლობალური კომპანია ACT დაინტერესდა თბილისის მოსახლეობის რა ნაწილი მოიხმარს ონლაინ სესხებს და რამდენი ფიქრობს რომ უნდა აიკრძალოს ეს სერვისი.

კომპანიამ პირისპირ ინტერვიუს პრინციპით თბილისში 400 ზრდასრული მოქალაქე გამოკითხა.

კვლევის შედეგად აღმოჩნდა, რომ ონლაინ სესხების სერვისი თბილისში თითქმის აბსოლუტური ცნობადობით სარგებლობს (96%). რაც შეეხება მოხმარებას, ყოველ მეოთხე თბილისელს (25%) უსარგებლია ამ სერვისით, და 34%-მა შესაძლებელია, რომ მომავალში ისარგებლოს.

ACT-ის ცნობით, გამოკითხულთა უმრავლესობა, 64%, ეთანხმება მოსაზრებას, რომ ონლაინ სერვისი უნდა აიკრძალოს საქართველოში. მათ შორის 25% ონლაინ სესხების მომხმარებელია.

მომხმარებლების ნახევარზე მეტი (54%) 18-დან 34 წლამდე ახალგაზრდაა.

გამოკითხვა ჩატარდა შემთხვევითი შერჩევის გზით. მონაცემთა სტატისტიკური ცდომილება არ აღემატება 4,9%-ს. გამოყენებული მეთოდია პირისპირ ინტერვიუ.