23 მაისიდან, საქართველოში კომენდანტის საათი მოიხსნება. ასევე,იხსნება საგანგებო მდგომარეობაც. ამის შესახებ პრემიერმინისტრმა, გიორგი გახარიამ მთავრობის სხდომაზე განაცხადა.

მთავრობის გადაწყვეტილებით, კომენდანტის საათი კორონავირუსის პრევენციის მიზნით მთავრობამ 31 მარტიდან მოქმედებს და მისი დარღვევა ფიზიკური პირების 3 ათასი ლარით დაჯარიმებას ითვალისწინებს.

რა გაიხსნა აქამდე

შეგახსენებთ, რომ შეზღუდვების ნაწილი მოიხსნა აქამდეც. კერძოდ:

  • 11 მაისიდან გაიხსნა ჩაკეტილი თბილისი;
  • 11 მაისიდანვე, ქვეყნის მასშტაბით გაიხსნა ყველა სახის წარმოება და ყველა სახის საცალო და საბითუმო მაღაზია, რომელსაც აქვს შესასვლელი ქუჩიდან. შეზღუდვები კვლავ ეხება ტანსაცმლის/ფეხსაცმლის მაღაზიებსა და სავაჭრო მოლებს;
  • აღდგა სარეკრეაციო ზონების ფუნქციონირება;
  • ისევ მუშაობს ავტოსამრეცხაოები/ავტოსერვისები;
  • უკვე შესაძლებელია კომპიუტერის, პირადი და საყოფაცხოვრებო საქონლის რემონტი;
  • დაშვებულია სამშენებლო მასალების წარმოება, მშენებლობა და სამშენებლო ზედამხედველობასთან დაკავშირებული საქმიანობა.
  • დასაშვები გახდა მსუბუქი ავტომობილებით გადაადგილება და ტაქსების ოპერირება;
  • ამოქმედდა ონლაინ ვაჭრობა;
  • შესაძლებელი გახდა ნებისმიერ პროდუქტზე მიტანის სერვისით სარგებლობა;
  • გაიხსნა ღია ტიპის აგრარული ბაზრების ნაწილი;
  • 14 მაისიდან გაიხსნა მოძრაობა რუსთავსა და გარდაბანში;
  • 18 მაისიდან გაიხსნა სილამაზის სალონები და ესთეტიკური ცენტრები;
  • 18 მაისიდან მოიხსნა 3 ადამიანზე მეტის შეკრების შეზღუდვა ღია და დახურულ სივრცეებში;
  • მარნეულში საკარანტინე ზონა მოიხსნა.

განახლება: თავდაპირველ მასალაში ეწერა, რომ კომენდანტის საათი ხვალიდან, 22 მაისიდან იხსნება, თუმცა პარლამენტის დადგენილებით, საგანგებო მდგომარეობა, რომლის ფარგლებშიც კომენდანტის საათია დაწესებული 22 მაისი ჩათვლით გრძელდება. სათაური მოგვიანებით დაზუსტდა.