აშშ-ს პრეზიდენტი, დონალდ ტრამპი ამბობს, რომ კორონავირუსი თავისით, ვაქცინის გარეშეც, გაქრება. მისივე თქმით, ისევე, როგორც ყველაფერი, ვირუსებიც კვდებიან.

ტრამპის თქმით, ვირუსის რამდენიმე აფეთქება კვლავ იქნება და ვირუსის საწინააღმდეგო ვაქცინის შექმნაც მნიშვნელოვანია.

"ვეყრდნობი იმას, რასაც ექიმები ამბობენ და ისინი ამბობენ, რომ ვირუსი გაქრება. ეს იმას არ ნიშნავს, რომ ვირუსი წელს გაქრება. გარკვეულ მომენტში კორონავირუსი თავისით გაქრება, ვირუსებიც კვდებიან", — განაცხადა დონალდ ტრამპმა.