დაავადებათა კონტროლის ცენტრის ხელმძღვანელის, ამირან გამყრელიძის თქმით, სახელმწიფო გრიპის დამატებით 100 ათასს ვაქცინას შემოიტანს.

მისი თქმით, მართალია გრიპზე აცრა სავალდებული აცრათა კალენდარში არაა, მაგრამ მნიშვნელოვანია, რომ გრიპის კორონავირუსთან ზედდება არ მოხდეს.

გამყრელიძის განმარტებით, სასურველია რომ რისკის ჯგუფებში მყოფი ადამიანების აიცრან, განსაკუთრებით კი ხანდაზმულები, რომლებთანაც ინფექცია უკვე რთულად წავა.

"შარშან ქვეყანაში დაახლოებით 140 ათასი ადამიანი აიცრა. 100 ათასი ადამიანი სახლმწიფოს დაფინანსებით აიცრა, დანარჩენი კი კერძო სექტორზე მოდის. თუ 2014 წელს გრიპზე აცრილების რაოდენობა 10 ათასი იყო, შარშან 140 ათასი გვქონდა, რაც კარგია. წელს შეკვეთილი გვაქვს 140 ათასი გრიპის ვაქცინა და ახლა 100 ათას დოზას ვუმატებთ. დარწმუნებული ვარ, კერძო სექტორი კიდევ უფრო აქტიური იქნება", — განაცხადა გამყრელიძემ TV პირველის ეთერში.