ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის თქმით, მათ კლინიკაში კორონავირუსით ინფიცირებული პაციენტი 5 მარტის შემდეგ მკურნალობს. ამის შესახებ მან რუსთავი 2-ის ეთერში განაცხადა.

მანამდე იგივე პაციენტის შესახებ ისაუბრა დაავადებათა კონტროლის ცენტრის ხელმძღვანელის მოადგილემ, პაატა იმნაძემ. მისი თქმით, ინფიცირებული ერთი პირველი პაციენტი იყო და მის გაწერასაც კი გეგმავდნენ, თუმცა ვირუსი ორგანიზმში ისევ უფიქსირდება.

ბოლო მონაცემებით, კორონავირუსით ინფიცირების 408 შემთხვევაა გამოვლენილი. მათ შორის 4 გარდაცვალება, გამოჯანმრთელებულთა რაოდენობა კი 97-მდე გაიზარდა. კარანტინის რეჟიმში რჩევა 5015 ადამიანი, ხოლო სტაციონარში მეთვალყურეობის ქვეშ — 573.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: