დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორმა, მარინა ეზუგბაიამ მოსახლეობას მიმართა და კიდევ ერთხელ სთხოვა, საკუთარი და სხვისი სიცოცხლის გადასარჩენად სახლში დარჩნენ. ამ თემაზე მან განცხადება ჟურნალისტებთან გააკეთა.

"შეიძლება, ეს იყოს ძალიან რთული, დავრჩეთ სახლში, მაგრამ ეს უნდა შევასრულოთ აუცილებლად. სახლში უნდა დავრჩეთ, რომ ერთმანეთს გავუფრთხილდეთ, ერთმანეთს ვაჩუქოთ სიცოცხლე. ქვეყანა გადავარჩინოთ რყევებისგან და ხვალ გვქონდეს ნათელი და კარგი მომავალი", — თქვა მარინა ეზიგბაიამ.

ექიმის განცხადებით, იმისთვის, რომ ექიმებმა ზომიერი კონტროლირებადი მატება შეინარჩუნონ ყველა უნდა დაემორჩილოს გამკაცრებულ შეზღუდვებს. მისი თქმით, დაახლოებით მე-3 თევა ინფექციური საავადმყოფოს ექიმები ცენტრში ცხოვრობენ და მათი ცხოვრების წესი მხოლოდ სამსახურია.

ბოლო მონაცემებით, საქართველოში კორონავირუსის 370 დადასტურებული შემთხვევაა, მათგან გამოჯანმრთელებულია 77 ადამიანი, ხოლო გარდაცვლილია 3. კარანტინის რეჟიმში 5 079 პირი რჩება, სტაციონარში მეთვალყურეობის ქვეშ კი 558 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: