საინიციატივო ჯგუფები, რომლებიც მიუსაფარი ცხოველების გამოკვებაზე ზრუნავენ, მთავრობას მოუწოდებენ, საგანგებო მდგომარეობის გამკაცრების პირობებში, დაუშვას საშვები მოხალისეებზე, რათა მათ საჭმლის მიტანა შეძლონ.

საგანგებო განცხადებაში ისინი წერენ, რომ წინააღმდეგ შემთხვევაში, ძაღლებსა და კატებს სიცოცხლის მოსპობა ემუქრებათ.

"ახალი კორონავირუსის Covid-19-ის გავრცელებით გამოწვეულმა საგანგებო მდგომარეობის გამკაცრებამ, კონკრეტულად, მსუბუქი ავტომანქანებით გადაადგილების აკრძალვამ, კიდევ უფრო დაამძიმა მიუსაფარი ცხოველების გამოკვების პრობლემა. მთელი საქართველოს მასშტაბით მიუსაფარ ძაღლებსა და კატებს შიმშილი და სიცოცხლის მოსპობა ემუქრებათ. მდგომარეობა განსაკუთრებით მძიმეა დაუსახლებელ პუნქტებსა და ქალაქების შემაერთებელ ავტომაგისტრალებზე", — აღნიშნული განცხადებაში.

საინიციატივო ჯგუფი "მარტო დარჩენილი ცხოველებისთვის" საკვებს თბილისში აგროვებს და მთელი საქართველოს მასშტაბით ანაწილებს, "ერთგული მეგობრებისთვის" კი მოხალისეებს ქუთაისში აერთიანებს და დასავლეთ საქართველოს ფარავს.

ორივე საინიციატივო ჯგუფი მიმართავს შესაბამის უწყებებს, გამოიყოს სპეციალური საშვები მოხალისეებისთვის, რომლებიც მსუბუქი ავტომანქანით გადაადგილებას და მიუსაფარი ცხოველების გამოკვებას ყოველ დღე შეძლებენ.

გარდა ამისა, ისინი დახმარებას ითხოვენ შესაბამისი ორგანოებისგან, რომ შემოწირულობითა და ქველმოქმედებით მიუსაფარი ცხოველებისთვის სპეციალური საკვები გადაეცეთ.

დახმარების სურვილის შემთხვევაში შეგიძლიათ დაუკავშირდეთ:

მარტო დარჩენილი ცხოველებისთვის (თბილისი)

  • მარიამ ცერცვაძე: 599 441 294
  • დავით დიდებაშვილი: 568262705

ერთგული მეგობრებისთვის (ქუთაისი)

  • 595037802: გიო ყურაშვილი
  • 555472780: რამზეს კილასონია