დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ჯანდაცვის კომიტეტის თავმჯდომარის, დიმიტრი ხუნდაძის თქმით, ქვეყანაში პანიკის საფუძველი არ არსებობს, თუმცა არ უნდა დაგვავიწყდეს, რომ "ხიფათი ძალიან ახლოს დაგვდევს". ამის შესახებ დეპუტატმა მთავარ არხთან ისაუბრა.

"ვფიქრობ, მაჩვენებლები მეტყველებს იმაზე, რომ ჩვენ მივდივართ სტაბილურად და პანიკის საფუძველი არ არის, მაგრამ არ უნდა დაგვავიწყდეს, რომ ხიფათი ძალიან ახლოს დაგვდევს. ამიტომ მთავარი რეკომენდაცია, რომ დავიცვათ დისტანცია ერთმანეთისგან", — თქვა დიმიტრი ხუნდაძემ.

მან აღნიშნა, რომ დღეს, 30 მარტს მთავრობის ადმინისტრაციაში უწყებათაშორისი საბჭო ყველა შესაძლო სცენარს განიხილავს და ახალი რეგულაციები მოგვიანებით გახდება ცნობილი.

ბოლო მონაცემებით, საქართველოში კორონავირუსისი 97 დადასტურებული შემთხვევაა, მათგან 18 გამოჯანმრთელებულია. კარანტინის რეჟიმშია 4 876 ადამიანი, სტაციონარში მეთვალყურეობის ქვეშ — 264.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: