დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ეროვნული ცენტის დირექტორი, ამირან გამყრელიძე აღდგომასთან დაკავშირებით ამბობს, რომ თუ მოსახლეობა არ დაიცავს რეკომენდაციებს, არის ფართომასშტაბიანი ეპიდემიის საფრთხე.

ამის შესახებ მან პირველ არხთან ინტერვიუში ისაუბრა.

"ეს ოთხი კვირა, მომავალი ერთი თვე, ემთხვევა ყველაზე დიდ დღესასწაულს ქვეყანაში, იცით რაზეც ვსაუბრობ. მიჭირს ამის თქმა მე მოსახლეობისთვის, მაგრამ რომ დავიცვათ ჩვენი მოსახლეობა, მათი სიცოცხლე, ამიტომ, მიუხედავად ყველაფრისა, უნდა დავემორჩილოთ მოწოდებებს და უნდა მივყვეთ აუცილებლად რეკომენდაციებს. თუ არადა, ამ 4 კვირის განმავლობაში დიდი საფრთხეა ქვეყანაში ფართომასშტაბიანი ეპიდემიის განვითარების", — თქვა გამყრელიძემ.

აღდგომა 2020 წელს 19 აპრილს აღინიშნება.

საქართველოში კორონავირუსით ინფიცირების 85 დადასტურებული შემთხვევაა, აქედან 14 უკვე გამოჯანმრთელდა. კარანტინის რეჟიმში იმყოფება 4641 ადამიანი, ხოლო სტაციონარში მეთვალყურეობის ქვეშ — 239.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: