პრეზიდენტის მრჩეველი პოლიტიკურ საკითხებში, ფიქრია ჩიხრაძე შესაძლო საკონსტიტუციო ცვლილებასთან დაკავშირებით, რომელიც პრეზიდენტის არჩევის წესს ეხება, კონკრეტულად გიორგი მარგველაშვილის წინააღმდეგ მიღებულ გადაწყვეტილებად აფასებს:

"მარგველაშვილი რომ იყოს პრეზიდენტი, რომელიც უტყვად ასრულებს ყველანაირ დავალებას, რომელიც წამოვა ალბათ მმართველი პარტიის ლიდერებისაგან და მას არ ჰქონდეს არანაირი განსხვავებული პოზიცია, ალბათ, ეს საკითხიც ალბათ არ დადგებოდა. საკონსტიტუციო ცვლილებები არ უნდა ხორციელდებოდეს ვინმეს გაღიზიანების გამო. საკონსტიტუციო ცვლილებები უნდა ხორციელდებოდეს იქიდან გამომდინარე, რომ თუ ბალანსი არ არსებობს შექმნას ბალანსი და არა იმის გამო, რომ უკვე არსებული ბალანსი გააუარესოს".