საგარეჯოში ცოლად მოყვანის მიზნით არასრულწლოვანი გოგოს "მოტაცების" ბრალდებით ორი პირი დააკავეს. მათ არასრულწლოვანისათვის თავისუფლების უკანონო აღკვეთა ედებათ ბრალად. დაკავებულები 2003 და 2001 წელს დაბადებული პირები არიან.

გამოძიების ინფორმაციით, მიმდინარე წლის 5 თებერვალს დაკავებულებმა ცოლად მოყვანის მიზნით 16 წლის გოგოს თავისუფლება უკანონოდ აღუკვეთეს. გატაცებული გოგო იმავე დღეს სახლში უვნებელი დააბრუნეს.

პოლიციამ დაკავებულები 8 თებერვალს დედოფლისწყაროში დააკავა. გამოძიება არასრულწლოვანისათვის თავისუფლების უკანონო აღკვეთის ფაქტზე, სისხლის სამართლის კოდექსის 143-ე მუხლის მე-3 ნაწილის "დ" ქვეპუნქტით მიმდინარეობს. დანაშაული 7-დან 10 წლამდე ვადით თავისუფლების აღკვეთას ითვალისწინებს.