8 თებერვალს მარნეულელი სამოქალაქო აქტივისტი, რაშან ზიადალიევი დააკავეს. იგი უკვე თავისუფალია, თუმცა როგორც ადოკატი გიორგი მუმლაძე წერს, სასამართლო პროცესი 10 თებერვალს, 10 საათზე რუსთავში გაიმართება. გიორგი მუმლაძე ავრცელებს ფოტოსაც, სადაც ჩანს, რომ ზიადალიევმა პოლიციის შენობა უკვე დატოვა.

ფეისბუქმომხმარებელი ალიკა კუპრავა წერს, რომ რაშანმა პოლიციას ფოტოს გადაღების უფლება არ მისცა, რის შემდეგაც აიყვანეს.

შინაგან საქმეთა სამინისტროში On.ge-ს უთხრეს რომ რაშან ზიადალიევი ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციელისადმი დაუმორჩილებლობას გულისხმობს.