საპარლამენტო არჩევნების მეორე ტურის წინასწარი შედეგების გათვალისწინებით, პარტია ქართულ ოცნებას საქართველოს პარლამენტში საკონსტიტუციო უმრავლესობის ჩამოსაყალიბებლად საკმარისი, 114 დეპუტატი ეყოლება. საკონსტიტუციო უმრავლესობისთვის სულ 113 დეპუტატია საჭირო.

ამ დროისათვის არსებული წინასწარი მონაცემებით, 50 ოლქში გამართულ მეორე ტურში, ქართული ოცნება ლიდერობს 47 ოლქში, მთაწმინდის პირველ ოლქში ოცნებას კანდიდატი არ ჰყოლია, მმართველმა პარტიამ მხარი სალომე ზურაბიშვილს დაუჭირა, ხოლო ხაშურის ოლქში ოცნების კანდიდატს უგებს თოფაძე-მრეწველების კანდიდატი სიმონ ნოზაძე, ხოლო მცხეთაში ლიდერობს დამოუკიდებელი კანდიდატი ცეზარ ჩოჩელი.

არჩევნების პირველი და მეორე ტურის შედეგების გათვალისწინებით, საქართველოს საკანონმდებლო ორგანო შემდეგი კონფიგურაციით ჩამოყალიბდება:

  • ქართული ოცნება - 114 დეპუტატი;
  • ერთიანი ნაციონალური მოძრაობა - 27 დეპუტატი;
  • დამოუკიდებელი კანდიდატები (სალომე ზურაბიშვილი და ცეზარ ჩოჩელი) - 2 დეპუტატი;
  • პატრიოტთა ალიანსი - 6 დეპუტატი;
  • თოფაძე, მრეწველები - ჩვენი სამშობლო - 1 დეპუტატი;

არჩევნების პირველი და მეორე ტურის შედეგები შეგიძლიათ იხილოთ On.ge-ს მიერ მომზადებულ ვიზუალიზაციაზე, სადაც შედეგები ავტომატურად ახლდება ცესკოდან მიღებული მონაცემების საფუძველზე.