YouTube-ზე გავრცელდა ვიდეო, რომელშიც ჩანს, რომ ერთ-ერთ სოფელში არასრულწლოვნები მოხუც ქალს ე.წ. კისტის თოფიდან ესვრიან, დასცინიან, აშინებენ და ხის ტოტით აწვალებენ.

შინაგან საქმეთა სამინისტროს პრესსამსახურმა On.ge-ს უთხრა, რომ აღნიშნულ ფაქტზე გამოძიება დაწყებულია სისხლის სამართლის კოდექსის 126-ე მუხლით, რომელიც ოჯახში ძალადობას გულისხმობს.

შსს-ს ინფორმაციით, მოძალადე პირების ვინაობა სამართალდამცავებისთვის ცნობილია.

126-ე მუხლის თანახმად, დამნაშავეებს, ბრალის დამტკიცების შემთხვევაში, 1-დან 3, ან 4-დან 6 წლამდე თავისუფლების აღკვეთა ან 2 წლამდე თავისუფლების შეზღუდვა ელით.