ნაციონალური საკალათბურთო ასოციაციის (NBA)-ის ლეგენდარული მოთამაშის, კობი ბრაიანტის გარდაცვალების გამო All Star-ის მატჩის ფორმატი შეიცვალა. ახალი ფორმატის მიხედვით, პირველი სამი მეოთხედი 0:0 დან დაიწყება და გუნდები სამივე მეოთხედში იბრძოლებენ გამარჯვებისთვის, ხოლო მეოთხე მეოთხედის დაწყების წინ დრო გაითიშება და დაინიშნება სპეციალური ნიშნული. გაიმარჯვებს გუნდი რომელიც პირველი მიაღწევს ნიშნულს.

საფინალო შედეგი სამი მეოთხედის ანგარიშების დაჯამებით დადგინდება და დაემატება 24 ქულა, კობი ბრაიანტის სათამაშო ნომრის საპატივსაცემოდ. მაგალითად თუ სამი მეოთხედის შემდეგ ჯამური ანგარიში 100:100 იქნება, თამაში გაგრძელდება იქამდე სანამ, რომელიმე გუნდი 124 ქულიან ნიშნულს არ მიაღწევს.

NBA All Star-ის მატჩი 16 თებერვალს, ჩიკაგოში ჩატარდება, სადაც ლებრონ ჯეიმსის და იანის ანტეტოკუნმპოს გუნდები ითამაშებენ.

ფოტო: NBA / Twitter

კობი ბრაიანტი კალიფორნიაში ვერტმფრენის ჩამოვარდნის შედეგად დაიღუპა. მასთან ბრაიანტთან ერთად მისი 13 წლის შვილი და კიდევ 7 ადამიანი გარდაიცვალა, რომლებიც ბორტზე იყვნენ.

კობი ბრაიანტი აღიარებულია კალათბურთის ერთ-ერთ ყველაზე დიდ ვარსკვლავად. ის 20 წლის განმავლობაში ლოს-ანჯელეს ლეიკერსში თამაშობდა. მოგებული აქვს, NBA-ს ხუთი ჩემპიონატი და 18 All Star თამაში. ის იყო ყველაზე ახალგაზრდა მოთამაშე, რომელიც NBA-ში თამაშში 18 წლის ასაკში დაიწყო და კარიერა 2016 წელს დაასრულა. ბრაიანტი NBA-ს ისტორიაში პირველი მცველია, რომელმაც მინიმუმ 20 სეზონი ითამაშა.