28 ოქტომბერს, გამთენიისას, თბილისში, ბახტრიონის ქუჩაზე ორი ახალგაზრდა დაჭრეს. ამ დროისთვის, ორივე მათგანი სავადმყოფოშია გადაყვანილი. შინაგან საქმეთა სამინისტრომ On.ge-ს განუცხადა, რომ მათი მდგომარეობა სტაბილურია და სიცოცხლისთვის საშიში დაზიანებები არ აქვთ.

რუსთავი 2-ის ინფორმაციით, შემთხვევა 162-ე სკოლის ტერიტორიაზე მოხდა. თვითმხილველებმა დაახლოებით 7 გასროლის ხმა გაიგეს.

შსს-ს ცნობით, საქმეზე გამოძიება ორი მუხლით დაიწყო, ესენია: სისხლის სამართლის კოდექსის 237 მუხლი, რაც გულისხმობს ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღებას და 117 მუხლით, რაც ჯანმრთელობის განზრახ მძიმე დაზიანებას ეხება.