პარლამენტში ევროპული საქართველოს დეპუტატი სერგი კაპანაძე ამბობს, რომ რუსული საფრთხის თავიდან აცილებისთვის ანაკლიის პორტზე უარის თქმა გამოსავალი არაა. დეპუტატმა დიანა ტრაპაიძის დღის ამბებში ეს საფრთხეების აცილების ყველაზე ადვილი გზაა, თუმცა ის ეროვნული ინტერესების დაცვას არ ემსახურება.

როგორც კაპანაძე ამბობს, ამავე ლოგიკით საქართველომ ნატოში გაწევრიანებაზეც უნდა თქვა უარი, რადგან ეს რუსეთის ინტერსებში არ შედის.

"[ანაკლიი პორტი] იმიტომ უნდა გავაკეთოთ, რომ ამით ჩვენი უსაფრთხოება იზრდება. მაშინ იგივე ნატოზე გავავრცელოთ, რა განსხვაავებაა. ჩვენი ნატოში ინტეგრაცია არ უნდა რუსეთს და ავიცილოთ რუსეთიდან მომდინარე საფრთხე და ვთქვათ უარი. იგივე ლოგიკაა. რა განსხვევაბაა ამ ორ ლოგიკარ შორის? ბატონი რომანის გამოსვლა თვალების ამხელი უნდა იყოს ჩვენი საზოგადოებისთვის", — განაცხადა კაპანაძეს.

ქართული ოცნების წევრმა და პარლამენტის დარგობრივი ეკონომიკის კომიტეტის თავმჯდომარემ "რუსული პოლიტიკის თავიდან აცილებით" ახსნა მთავრობის გადაწყვეტილება, რომელიც ანაკლიის პორტის მშენებლობის საკითხში ანაკლიის კონსორციუმის ჩამოშორებას ეხება.

"[ხელისუფლება] ხაზარაძეს იმიტომ დაეტაკა, რომ მან ვერ გააკეთა საგარეო კურსთან დაკავშირებით სწორი ორიენტირი; ან მისი ხედვა თუ არ დაემთხვა, ეს მისი პრობლემაა. მე გეუბნებით, ამ ნარატივში, რომ ბიძინა ივანიშილი არის თუ არა რუსული პროექტი, თუ მისი დამოკიდებულება რუსეთის მიმართ არის ქვეყნის უსაფრთხოებიდან გამომდინარე, მე ვდგავარ იმ მხარეს, ეს არის რუსული პოლიტიკის თავიდან აცილების პოლიტიკა", — თქვა რომან კაკულიამ.

დღეს, 9 იანვარს საქართველოს მთავრობამ ღრმაწყლოვანი პორტის მშენებლობასთან დაკავშირებით ანაკლიის კონსორციუმთან ხელშეკრულებისა შეწყვიტის შესახებ განაცხადა. მინისტრის თქმით, კონსორციუმმა ვერ შეძლო ხელშეკრულებით ნაკისრი ვალდებულებების შესრულება. რაც შეეხება ხელშეკრულების გაწყვეტასა და პირგასამტეხლოს, ცქიტიშვილი ამბობს, რომ ისინი ხელშეკრულების მიერ გაწერილ პროცედურებს მიჰყვებიან.

ანაკლიის განვითარების კონსორციუმმა და სახელმწიფომ პროექტზე ერთობლივი მუშაობა 2016 წელს დაიწყეს. პროექტის მიხედვით, სამუშაოების სრულად დასრულების შემდეგ, ის პორტი 3 000 ჰექტარზე მეტ ფართობზე უნდა გაშლილიყო და 32 ნავმისადგომი უნდა ჰქონოდა.

ბოლო ორი წლის განმავლობაში მთავრობამ კონსორციუმის ვალდებულებების შესრულება არაერთხელ გადაუვადა. ისინი კონსორციუმს ვალდებულებების შეუსრულებდლობაში ადანაშაულებდნენ მაშინ, როცა კონსორციუმი, პირიქით, მთავრობას ადანაშაულებდა ხელშეშლაში.

კონსორციუმში შემავალი თიბისი ჰოლდინგის მაშინდელი ხელმძღვანელი და ახლა მოძრაობა ლელოს ლიდერი, მამუკა ხაზარაძე აცხადებდა, რომ მთავრობა ანაკლიის პორტის მშენებლობას მიზანმიმართულად უშლის ხელს.