კალიფორნიაში მოსამართლემ ამერიკელ კაცს, რომელმაც შვილზე სექსუალურად იძალადა, 1503 წლიანი პატიმრობა მიუსაჯა. როგორც ირკვევა, მამა თავის შვილზე ოთხი წლის განმავლობაში სექსუალურად ძალადობდა.

როგორც მოსამართლე ამბობს, დამნაშავეს პირველ სხდომაზე დანაშაულის აღიარების შემთხვევაში 14 წლიანი პატიმრობა შესთავაზეს, თუმცა მან უარი განაცხადა თანამშრომლობაზე. მოგვიანებით, აღიარების სანაცვლოდ, 22 წლიანი პატიმრობა ემუქრებოდა, თუმცა მოძალადე მამამ კიდევ ერთხელ უარყო ყველაფერი. იგი თავს დამნაშავედ არ მიიჩნევდა და მეტიც, საკუთარ შვილს სდებდა ბრალს ყველაფერში. მისი თქმით, თავისი შვილი ზედმეტად გამომწვევი იყო.

დაზარალებული ჰყვება, რომ ყველაფერი 17 წლის ასაკში დაიწყო. მისი თქმით, იგი დაუცველი და სუსტი იყო, არ შეეძლო ხმის ამოღება და ამ ყველაფრის გაპროტესტება. მასზე კვირაში მამამისი ორჯერ ან სამჯერ მაინც ძალადობდა. ეს ყველაფერი 2009-2013 წლებში ხდებოდა.

ამავე დანაშაულისთვის მონტანას მოსამართლემ სულ ცოტა ხნის წინ 12 წლის შვილზე მოძალადე მამას 60 დღიანი პატიმრობა მიუსაჯა. განაჩენის გამოტანამდე დამნაშავე 17 დღე უკვე იმყოფებოდა ციხეში, შესაბამისად მას 43 დღე მოუწევდა გისოსებს მიღმა ყოფნა. ამ მოსამართლის წინააღმდეგ ამერიკაში პეტიცია შეიქმნა, რომელსაც მოკლე დროში 30 000-ზე მეტი ხელმომწერი ყავს.