ცესკოს ინფორმაციით, 12 საათის მონაცემებით, ერთი საჩივარი შევიდა ზუგდიდის საოლქო საარჩევნო კომისიაში, რომელშიც მითითებულია, რომ საკრებულოს წევრი, საარჩევნო უბნაზე იმყოფებოდა ერთ-ერთი არასამთავრობო ორგანიზაციის ეგიდით და აკვირდებოდა მიმდინარე პროცესებს:

"ინფორმაციის მიღების შემდეგ, რა თქმა უნდა, საარჩევნო ადმინისტრაციამ აღნიშნულ პიროვნებას შეუწყვიტა საარჩევნო უბანზე ყოფნის უფლებამოსილება. გარდა ამისა, ზუგდიდის 38-ე საარჩევნო უბანზე დაწერილ საჩივარში, მითითებულია, თითქოს გადასატანი ყუთი უბნიდან გაიტანეს დაგვიანებით, 9 საათსა და 5 წუთზე. აღნიშნული არ წარმოადგენს კანონმდებლობის დარღვევას, ვინაიდან საარჩევნო ყუთი უბნიდან უნდა გაიტანონ 9 საათიდან ნებისმიერ დროს და საარჩევნო უბანზე უნდა დაბრუნდეს საღამოს 7 საათამდე.

კიდევ ერთხელ შეგახსენებთ, რომ საარჩევნო კანონმდებლობის მიხედვით, დღეს, კენჭისყრის შენობაში იკრძალება აგიტაცია. ასევე, აკრძალულია წინაასარჩევნო ფასიანი და უფასო რეკლამის განთავსება ტელევიზიასა და რადიოში. დღეს, საღამოს 8 საათამდე იკრძალება არჩევნებთან დაკავშირებული საზოგადოებრივი აზრის გამოკითხვის შედეგების გამოქვეყნებაც".