თავისუფალი დემოკრატების ყოფილი წევრი, ირაკლი ჩიქოვანი განცხადებას ავრცელებს და განმარტავს, რომ მმართველი ძალის მიერ საკონსტიტუციო უმრავლესობის მოპოვების თავიდან ასაცილებლად ენმ-ს მხარდაჭერა მისთვის მიუღებელია:

"ბოლო პერიოდში ვრცელდება ინფორმაცია ჩემი და ჩემი შტაბის წევრების მხრიდან ენმ-ს თითქოს და მხარდაჭერის შესახებ, რაზეც მინდა განვმარტო: 2009 წელს საჯარო სამსახურიდან ჩემი პოლიტიკაში მოსვლა განპირობებული იყო ჩემი განზრახვით, დავპირისპირებოდი ენმ-ს პოლიტიკას და განსაკუთრებით იმ ვითარებას, რაც სამეგრელოში იყო შექმნილი. 2012 წელს კი, ჩემთან ერთად, თითზე ჩამოსათვლელი ადამიანი ღიად თუ უპირისპირდებოდა მათ ამ რეგიონში. ყოველივე ზემოაღნიშნული გამორიცხავს ჩემს მხარდაჭერას ამ პარტიის მიმართ".

არასამთავრობოების ნაწილი მმართველი ძალის პარლამენტში საკონსტიტუციო უმრავლესობით შესაძლო შესვლას ეხმაურება და ამბობს, რომ ამის თავიდან ასაცილებლად მოქალაქეებმა არჩევნების მეორე ტურში მხარი ენმ-ს კანდიდატებს უნდა დაუჭირონ.