მღვდელი ანდრია სარია ამბობს, რომ ეკლესიისთვის ნარკოდანაშაულის პრობლემა ახალი არაა. მისი თქმით, ზუგდიდში ნარკოდანაშაულისთვის დაკავებულ ბერს ეპარქიასთან ბოლო პერიოდში არანაირი კავშირი არ ჰქონია. ის ათონის მონასტერში მეუფის კურთხევით წავიდა.

"მე რამდენადაც ვიცი, ეს პრობლემა არახალია ეკლესიაში. ზოგადად და ვფიქრობ, რომ ეკლესიის ზედა რგოლში უნდა მოწესრიგდეს. სახელმწიფო ამას კარგად იყენებს იმ გაგებით, როცა ეკლესიას პრობლემა აქვს, ეკლესიის პრობლემებს ფარავს, ხოლო როცა სახელმწიფოს სჭირდება ეკლესიის დახმარება, ეკლესიაც ეხმარება. ხელი ხელს ბანს და ორივე პირს", — ამბობს რუსთავი 2-თან საუბრისას ანდრია სარია.

ზუგდიდში ნარკოდანაშაულის ბრალდებით ბერი და კიდევ ერთი პირი დააკავეს. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 260-ე მუხლით მიმდინარეობს, რაც ნარკოტიკული საშუალებების უკანონო შეძენა-შენახვას გულისხმობს