ქუთაისში ქართული ოცნების აქტივისტებმა ნაციონალური მოძრაობის ოფისს ბოქლომი დაადეს. სიმბოლური "დაბოქლომება" ოპოზიციის ერთ-ერთ საპროტესტო ფორმა იყო. ისინი სიმბოლურად ადმინისტრაციულ შენობებს ბოქლომებს ადებდნენ.

გარდა ამისა, ქართული ოცნების აქტივისტებმა ოპოზიციის ოფისს ცოცხები და კვერცხები დაუშინეს. როგორც On.ge-ს ქუთაისის ოფისის თავმჯდომარე, ბესო ბრეგაძემ On.ge-ს უთხრა, მმართველი პარტიის მხარდამჭერების გარდა, ადგილზე მისული იყვნენ მერიისა და საკრებულოს თანამშრომლები.

"სრული ქაოსი, ანარქია. ასე რამ არც მინახავს. გუშინ ბიძინა ივანიშვილმა მწვანე გაუხსნა თავის "ტიტუშკებს". დღესაც ირაკლი კობახიძემ მწვანე გაუხსნა და მოვიდნენ კვერცხები დაგვიშინეს", — განცხადა ბრეგაძემ.

ბოლო დღეების მოვლენები

მას შემდეგ, რაც ქართული ოცნების დეპუტატებმა პროპორციული საარჩევნო სისტემის კანონპროექტი ჩააგდეს, საქართველოს მასშტაბით სხვადასხვა ქალაქებში საპროტესტო აქციები იმართება. პროტესტის ფარგლებში პიკეტირებული იყო მთავარი საკანონმდებლო ორგანოც, რომლის შესასვლელებიც ხელისუფლებამ ორჯერ სპეცრაზმისა და წყლის ჭავლის გამოყენებით გახსნა.

აქციის დაშლის შემდეგ ოპოზიციამ და სამოქალაქო აქტივისტებმა პროტესტი ახალი ფორმა "მაინც დაგაბოქლომებთ" დაიწყეს. ისინი სხვადასხვა ადმინისტრაციულ შენობებსა და ქართული ოცნების დეპუტატების ოფისებს ბოქლომებს ადებენ.