ფორმულას დაკვეთით ჩატარებული Edison Research-ის კვლევის მიხედვით, მოსახლეობის 70 პროცენტი სალომე ზურაბიშვილის პრეზიდენტობას ნეგატიურად აფასებს. ის ამ მაჩვენებლით სულ მცირედით ჩამორჩება ვარდების რევოლუციის შედეგად გადაყენებულ ედუარდ შევარდნაძეს.

ამავე კვლევის მიხედვით, მიხეილ სააკაშვილის პრეზიდეენტობას პოზიტიურად 57 პროცენტი აფასებს, ხოლო გიორგი მარგველაშვილისას 59.

ამავე კვლევის მიხედვით, თხუთმეტ ინსტიტუტს შორის საქართველოს პრეზიდენტის ყველაზე ნაკლებად სანდოდ არის შეფასებული. ეს მაჩვენებელი 32 პროცენტია.

ასევე ნაკლები, თუმცა პრეზიდენტის ინსტიტუტზე მეტი, ნდობა აქვთ საქართველოს პარლამენტსა (34%) და ქართულ ბანკებს (34%). ამასთან, კვლევის მიხედვით, ყველაზე სანდო ინსტიტუტებად კვლავ ჯარსა (87%) და საქართველოს ეკლესიას (86%) ასახელებენ.

კითხვაზე, რამდენად ენდობიან შემდეგ ინსტიტუტებს, პასუხები ასე გადანაწილდა:

  1. ჯარი — 87 პროცენტი;
  2. ეკლესია — 86 პროცენტი;
  3. პოლიცია — 68 პროცენტი;
  4. ქართული მედია — 66 პროცენტი;
  5. არასამთავრობო ორგანიზაციები — 49 პროცენტი;
  6. ადგილობრივი თვითმმართველობები — 46 პროცენტი;
  7. პრემიერ მინისტრი — 43 პროცენტი;
  8. პროკურატურა — 38 პროცენტი;
  9. საქართველოს მთავრობა (მინისტრთა კაბინეტი) — 37 პროცენტი;
  10. სასამართლო — 37 პროცენტი;
  11. ქართული ბანკები — 36 პროცენტი;
  12. საქართველოს პარლამენტი — 34 პროცენტი;
  13. პოლიტიკური პარტიები — 34 პროცენტი;
  14. საქართველოს პრეზიდენტი — 32 პროცენტი;

აღნიშნული კვლევა მას შემდეგ ჩატარდა, რაც მმართველმა პარტიამ ბიძინა ივანიშვილის დანაპირები არ შეასრულა და 2020 წლის არჩევნებისთვის სრულად პროპორციულ სისტემაზე გადასვლას მხარი არ დაუჭირა.

კვლევა TV ფორმულას დაკვეთით Edison Research-მა 12 ნოემბრიდან 23 ნოემბრის ჩათვლით ჩაატარა. საქართველოს მასშტაბით საარჩევნო ხმის მქონე 2000 რესპონდენტი პირისპირ ინტერვიუს გზით გამოკითხა, კვლევის ცდომილება კი 2,2 პროცენტია.