საქართველოს ყოფილი პრეზიდენტი, მიხეილ სააკაშვილი კიევში ყოფილ დეპუტატებს, გუბაზ სანიკიძესა და ვალერი გელბახიანს შეხვდა. ერთობლივ ვიდეოს სააკაშვილი Facebook-ზე აქვეყნებს.

სააკაშვილი ვიდეოში აცხადებს, რომ ისინი ერთ დროს ერთმანეთს ებრძოდნენ, მაგრამ დღეს გაერთიანების დროა. მისივე თქმით, მათ საქართველოს სიყვარული აერთიანებთ.

"ნახეთ, რა მაგარი ახალგაზრდობა წამოვიდა და ჩვენი ამოცანაა, რომ ამ ახალგაზრდებს გზა გავუხსნათ საქართველოს გადარჩენისა და მართვისკენ. მეტს ვერაფერს ვხედავ. ძალიან მადლობელი ვარ გუბაზის, ვალერის, ჩვენი ბიჭების, რომ კიევში ჩამოვიდნენ. ძალიან საინტერესო და ჩემთვის ნიშანდობლივი საუბრები გვქონდა. ყველაფერს, ასაკთან, დროსთან და გამოცდილებასთან ერთად, ბევრ რაღაცას გადახედავს ადამიანი... ერთი რამ ზუსტად ვიცი, რომ ერთიანობას არ აქვს ალტერნატივა და გამარჯვებას ქართველი ხალხის საკეთილდღეოდ წინ ვერაფერი ვეღარ დაუდგება. ძალიან ოპტიმისტურად ვართ განწყობილი", — თქვა სააკაშვილმა.

ვიდეოში გუბაზ სანიკიძე და ვალერი გელბახიანი აცხადებენ, რომ ერთადერთი გამოსავალი ერთად დგომა და გაერთიანებაა.